English
ऋग्वेद - मण्डल 8/ सूक्त 22/ मन्त्र 18
सु॒प्रा॒व॒र्गं सु॒वीर्यं॑ सु॒ष्ठु वार्य॒मना॑धृष्टं रक्ष॒स्विना॑ । अ॒स्मिन्ना वा॑मा॒याने॑ वाजिनीवसू॒ विश्वा॑ वा॒मानि॑ धीमहि ॥
स्वर सहित पद पाठसु॒ऽप्रा॒व॒र्गम् । सु॒ऽवीर्य॑म् । सु॒ष्ठु । वार्य॑म् । अना॑धृष्टम् । र॒क्ष॒स्विना॑ । अ॒स्मिन् । आ । वा॒म् । आ॒ऽयाने॑ । वा॒जि॒नी॒व॒सू॒ इति॑ वाजिनीऽवसू । विश्वा॑ । वा॒मानि॑ । धी॒म॒हि॒ ॥
स्वर रहित मन्त्र
सुप्रावर्गं सुवीर्यं सुष्ठु वार्यमनाधृष्टं रक्षस्विना । अस्मिन्ना वामायाने वाजिनीवसू विश्वा वामानि धीमहि ॥
स्वर रहित पद पाठसुऽप्रावर्गम् । सुऽवीर्यम् । सुष्ठु । वार्यम् । अनाधृष्टम् । रक्षस्विना । अस्मिन् । आ । वाम् । आऽयाने । वाजिनीवसू इति वाजिनीऽवसू । विश्वा । वामानि । धीमहि ॥ ८.२२.१८
ऋग्वेद - मण्डल » 8; सूक्त » 22; मन्त्र » 18
अष्टक » 6; अध्याय » 2; वर्ग » 8; मन्त्र » 3
अष्टक » 6; अध्याय » 2; वर्ग » 8; मन्त्र » 3
विषयः - पुनस्तदनुवर्तते ।
पदार्थः -
हे अश्विनौ राजानौ ! अस्माकम् । वार्य्यम्=वरणीयं धनमीदृशं भवतु । कीदृशम् । सुप्रावर्गम्=सुप्रवर्जनीयम्=दातव्यम् । सुवीर्यम्=शोभनवीरोपेतम्=सुष्ठु दर्शनीयम् । पुनः । रक्षस्विना= बलवताऽपि । अनाधृष्टमधर्षणीयम् । हे वाजिनीवसू= विज्ञानधनौ ! वाम्=युवयोः । अस्मिन्+आयाने=अस्माकं गृहं प्रति आगमने सति । विश्वाः=विश्वानि सर्वाणि । वामानि=वननीयानि=धनानि । वयम् । आधीमहि=लभामहे । धीङ् आधारे ॥१८ ॥