English
ऋग्वेद - मण्डल 8/ सूक्त 77/ मन्त्र 1
ज॒ज्ञा॒नो नु श॒तक्र॑तु॒र्वि पृ॑च्छ॒दिति॑ मा॒तर॑म् । क उ॒ग्राः के ह॑ शृण्विरे ॥
स्वर सहित पद पाठज॒ज्ञा॒नः । नु । श॒तऽक्र॑तुः । वि । पृ॒च्छ॒त् । इति॑ । मा॒तर॑म् । के । उ॒ग्राः । के । ह॒ । शृ॒ण्वि॒रे॒ ॥
स्वर रहित मन्त्र
जज्ञानो नु शतक्रतुर्वि पृच्छदिति मातरम् । क उग्राः के ह शृण्विरे ॥
स्वर रहित पद पाठजज्ञानः । नु । शतऽक्रतुः । वि । पृच्छत् । इति । मातरम् । के । उग्राः । के । ह । शृण्विरे ॥ ८.७७.१
ऋग्वेद - मण्डल » 8; सूक्त » 77; मन्त्र » 1
अष्टक » 6; अध्याय » 5; वर्ग » 29; मन्त्र » 1
अष्टक » 6; अध्याय » 5; वर्ग » 29; मन्त्र » 1
विषयः - अथ राजकर्त्तव्यमाह ।
पदार्थः -
यदा राजा जज्ञानः=स्वकर्मणा सर्वत्र प्रसिद्धो भवेत् । पुनः शतक्रतुः=बहूनि च कर्माणि कर्तुं शक्नुयात् । तदा । मातरम्=व्यवस्थानिर्मात्रीं सभाम् । इति वक्ष्यमाणम् । पृच्छत्=पृच्छेत्=जिज्ञासेत् । हे सभे ! इह लोके । के जनाः । उग्राः=स्वकर्मणा महान्तः । के+ह=के च । शृण्विरे=प्रसिद्धतराः सन्तीति ॥१ ॥