शब्दार्थ -
सोम परमेश्वराच्या साह्याने (प्रत्नासः) ज्ञानाच्या दृष्टीने पुरातन मनुष्य म्हणजे वयोवृहृजन (नवीयः) नवीनतर (पदम्) राजमंत्री, न्यायाधीश आदी पद अथवा मोक्षपद (अनु अक्रमुः) अनुकूलतेने प्राप्त करतात आणि ते (रूचे) प्रकाशासाठी (सूर्यम्) विद्येच्या वा अध्यात्म्याच्या सूर्याला (जनन्त) प्रकट करतात. (अथवा असा अर्थही होतो की (नवीयः) नवीन तरुण (प्रत्नासः) पुरातन वा महत्त्वाच्या जबाबदारीचे (पदम्) पद प्रयत्नाने प्राप्त करतात आणि (रूचे) यासाठी आपल्यातील प्रकाश, गुण व पात्रता सूर्याप्रमाणे प्रकाशित करतात.)।। ६।।

भावार्थ - परमेश्वराची कृपा व स्वतः केलेला पुरुषार्थ, याद्वारे मनुष्य गण सांसारिक सर्वोच्च पददेखील प्राप्त करू शकतात आणि मोक्षसिद्धीही करू शकतात. शिवाय राष्ट्रात व जगात मनुष्य गण ज्ञान - विज्ञान आणि सदाचार रूप सूर्याचा प्रकाश सर्वत्र विस्तारू शकतात.।। ६।।

इस भाष्य को एडिट करें