English
ऋग्वेद - मण्डल 8/ सूक्त 24/ मन्त्र 1
सखा॑य॒ आ शि॑षामहि॒ ब्रह्मेन्द्रा॑य व॒ज्रिणे॑ । स्तु॒ष ऊ॒ षु वो॒ नृत॑माय धृ॒ष्णवे॑ ॥
स्वर सहित पद पाठसखा॑यः । आ । शि॒षा॒म॒हि॒ । ब्रह्म॑ । इन्द्रा॑य । व॒ज्रिणे॑ । स्तु॒षे । ऊँ॒ इति॑ । सु । वः॒ । नृऽत॑माय । धृ॒ष्णवे॑ ॥
स्वर रहित मन्त्र
सखाय आ शिषामहि ब्रह्मेन्द्राय वज्रिणे । स्तुष ऊ षु वो नृतमाय धृष्णवे ॥
स्वर रहित पद पाठसखायः । आ । शिषामहि । ब्रह्म । इन्द्राय । वज्रिणे । स्तुषे । ऊँ इति । सु । वः । नृऽतमाय । धृष्णवे ॥ ८.२४.१
ऋग्वेद - मण्डल » 8; सूक्त » 24; मन्त्र » 1
अष्टक » 6; अध्याय » 2; वर्ग » 15; मन्त्र » 1
अष्टक » 6; अध्याय » 2; वर्ग » 15; मन्त्र » 1
विषयः - परमदेवताया इन्द्रस्य महिम्नः स्तुतिरारभ्यते ।
पदार्थः -
हे सखायः ! वज्रिणे । इन्द्राय=ईश्वराय । ब्रह्म=स्तोत्रम् । आशिषामहि=अध्ययामहै । अहम् । वः=युष्माकम् । नृतमाय=परममित्राय । धृष्णवे=सर्वविघ्नविनाशकाय । ऊ=निश्चयेन । सु=सुष्ठु । स्तुषे=स्तौमि ॥१ ॥