English
ऋग्वेद - मण्डल 8/ सूक्त 6/ मन्त्र 1
म॒हाँ इन्द्रो॒ य ओज॑सा प॒र्जन्यो॑ वृष्टि॒माँ इ॑व । स्तोमै॑र्व॒त्सस्य॑ वावृधे ॥
स्वर सहित पद पाठम॒हान् । इन्द्रः॑ । यः । ओज॑सा । प॒र्जन्यः॑ । वृ॒ष्टि॒मान्ऽइ॑व । स्तोमैः॑ । व॒त्सस्य॑ । व॒वृ॒धे॒ ॥
स्वर रहित मन्त्र
महाँ इन्द्रो य ओजसा पर्जन्यो वृष्टिमाँ इव । स्तोमैर्वत्सस्य वावृधे ॥
स्वर रहित पद पाठमहान् । इन्द्रः । यः । ओजसा । पर्जन्यः । वृष्टिमान्ऽइव । स्तोमैः । वत्सस्य । ववृधे ॥ ८.६.१
ऋग्वेद - मण्डल » 8; सूक्त » 6; मन्त्र » 1
अष्टक » 5; अध्याय » 8; वर्ग » 9; मन्त्र » 1
अष्टक » 5; अध्याय » 8; वर्ग » 9; मन्त्र » 1
विषयः - भगवतो महद्यशो दर्शयितुमग्रग्रन्थारम्भः ।
पदार्थः -
हे मनुष्याः ! इन्द्रवाच्यमीश्वरं विहायान्यान् कथं पूजयथ । यः=खलु इन्द्राभिधेयः परमात्मा । ओजसा=स्रष्टृत्वपातृत्वसंहर्त्तृत्वबलेन । महान्=पृथिव्या महान्, आकाशान्महान्, सर्वेभ्यो महानस्ति । तमेव पूजयत । स हि वृष्टिमान्=वारिप्रदः । पर्जन्यः=मेघ इवास्ति । यथा मेघो जलानि सिक्त्वा सर्वं वस्तुजातं पोषयति वर्धयति भूषयति च नानावर्णैः । तथेशोऽपि । स परमात्मा । वत्सस्य=पुत्रस्येव भक्तस्य । स्तोमैः=स्तुतिभिः । प्रसन्नः सन् । वावृधे=वर्धयति सुखानि ॥१ ॥