English
ऋग्वेद - मण्डल 8/ सूक्त 63/ मन्त्र 12
अ॒स्मे रु॒द्रा मे॒हना॒ पर्व॑तासो वृत्र॒हत्ये॒ भर॑हूतौ स॒जोषा॑: । यः शंस॑ते स्तुव॒ते धायि॑ प॒ज्र इन्द्र॑ज्येष्ठा अ॒स्माँ अ॑वन्तु दे॒वाः ॥
स्वर सहित पद पाठअ॒स्मे इति॑ । रु॒द्राः । मे॒हना॑ । पर्व॑तासः । वृ॒त्र॒ऽहत्ये॑ । भर॑ऽहूतौ । स॒ऽजोषाः॑ । यः । शंस॑ते । स्तु॒व॒ते । धायि॑ । प॒ज्रः । इन्द्र॑ऽज्येष्टाः । अ॒स्मान् । अ॒व॒न्तु॒ । दे॒वाः ॥
स्वर रहित मन्त्र
अस्मे रुद्रा मेहना पर्वतासो वृत्रहत्ये भरहूतौ सजोषा: । यः शंसते स्तुवते धायि पज्र इन्द्रज्येष्ठा अस्माँ अवन्तु देवाः ॥
स्वर रहित पद पाठअस्मे इति । रुद्राः । मेहना । पर्वतासः । वृत्रऽहत्ये । भरऽहूतौ । सऽजोषाः । यः । शंसते । स्तुवते । धायि । पज्रः । इन्द्रऽज्येष्टाः । अस्मान् । अवन्तु । देवाः ॥ ८.६३.१२
ऋग्वेद - मण्डल » 8; सूक्त » 63; मन्त्र » 12
अष्टक » 6; अध्याय » 4; वर्ग » 43; मन्त्र » 6
अष्टक » 6; अध्याय » 4; वर्ग » 43; मन्त्र » 6
विषयः - इन्द्रनिकटे प्रार्थना क्रियते ।
पदार्थः -
हे इन्द्र ! वृत्रहत्ये=विघ्नविनाशके । भरहूतौ=संग्रामे । अस्मान् । देवाः श्रेष्ठा जनाः सदा अवन्तु=प्राप्नुवन्तु । ज्येष्ठाश्चास्मान् अवन्तु । रुद्राः=परमदुःखद्राविणः । हे मेहनाः=अनुग्रहवर्षितारः ! पर्वतासः=पर्वताः पूरणवन्तः प्रीणनवन्तो वा । सजोषाः=समानप्रीतिश्च जनः । यश्च शंसते=स्तुवते जनाय । धायि=धावति । यश्च पज्रः=बलवान् इत्येवंविधा जना अस्मानवन्तु ॥१२ ॥