English
ऋग्वेद - मण्डल 8/ सूक्त 81/ मन्त्र 1
आ तू न॑ इन्द्र क्षु॒मन्तं॑ चि॒त्रं ग्रा॒भं सं गृ॑भाय । म॒हा॒ह॒स्ती दक्षि॑णेन ॥
स्वर सहित पद पाठआ । तु । नः॒ । इ॒न्द्र॒ । क्षु॒ऽमन्त॑म् । चि॒त्रम् । ग्रा॒भम् । सम् । गृ॒भ॒य॒ । म॒हा॒ऽह॒स्ती । दक्षि॑णेन ॥
स्वर रहित मन्त्र
आ तू न इन्द्र क्षुमन्तं चित्रं ग्राभं सं गृभाय । महाहस्ती दक्षिणेन ॥
स्वर रहित पद पाठआ । तु । नः । इन्द्र । क्षुऽमन्तम् । चित्रम् । ग्राभम् । सम् । गृभय । महाऽहस्ती । दक्षिणेन ॥ ८.८१.१
ऋग्वेद - मण्डल » 8; सूक्त » 81; मन्त्र » 1
अष्टक » 6; अध्याय » 5; वर्ग » 37; मन्त्र » 1
अष्टक » 6; अध्याय » 5; वर्ग » 37; मन्त्र » 1
विषयः - परमात्मनः प्रार्थनं पुनरप्यारभते ।
पदार्थः -
हे इन्द्र ! सर्वद्रष्टः यतस्त्वम् । महाहस्ती=महाहस्तवान् महाशक्तिस्त्वं वर्तसे । अतः । दक्षिणेन=दक्षेण=महाबलवता हस्तेन । नः=अस्मदर्थम् । क्षुमन्तं=प्रशस्तम् । चित्रं=चायनीयम् । ग्राभं=गृहणीयम् । ज्ञानादिकम् । संगृभाय=संगृहाण ॥१ ॥