शब्दार्थ -
(पुरुवसो) विद्या, सुवर्ण, सद्गुण आदी अनेक धनांचे स्वामी, हे परमात्मा, (इमाःउ) आमच्याद्वारे उच्चारित ही (गिरः) भावपूर्ण स्तुतिवचनें (त्वा अभि) आपणास उद्देशून (प्र नोनुवुः) अतिशय रूपाने पुन्हा पुन्हा शब्दायमान होत आहेत घुमत आहेत) जसे (धेनवः) आपले दूध पाजण्यासाठी उत्सुक असलेल्या (गावः) गायी (वत्सं न) आपल्या वासराला पाहून हंबरते, (तद्वव उपासक ईश्वराचा ध्यान वा त्याची स्तुती करताना भावविहृल होतात.) ।। २।।

भावार्थ - हे जगदीश्वर, ज्याप्रमाणे गायी आपल्या प्रिय वासराला पाहून त्याला आपले दूध पाजण्यासाठी हंबरतात, त्याचप्रमाणे आमची सरस स्तुतिवचने भक्तिरस उद्वेलित करती प्राणाहून प्रिय अशा आपणास तो रस पाजविण्यासाटी आपल्यासमोर अतिशयतेने शब्दायमान होत आहेत. (हृदयातील भावना तुमची स्तुती करीत अत्यंत तल्लीन झाल्या आहेत.) ।। २।।

इस भाष्य को एडिट करें