शब्दार्थ -
हे (इन्द्र) परमेश्वर, हे आचार्य, हे राजा, आपण (नः) आम्हा उपासकांना / शिष्यांना/ प्रजाजनांना (क्रतुम्) विज्ञान व कर्म (आ भर) प्रदान करा. (यथा) जसे (पिता) एक पिता (पुत्रेम्यः) आपल्या पुत्र-पुत्रीसाठी विज्ञान व कर्म देतो, (तद्वत आपण आम्हास ज्ञान प्राप्ती आणि कर्म करण्याची प्रेरणा द्या) हे (पुरुहूत) बहुस्तुत जगदीश्वर, आचार्य, राजा आपण (अस्मिन्) या समक्ष विद्यमान अशा (खामजि) जीवन मार्गावर / जीवन यज्ञावर अथवा योग मार्गावर पुढे जाण्यासाठी (नः) आम्हाला (शिक्ष) सर्व प्रकारे सामर्थ्य प्रदान करा. यासाठी की त्यामुळे आम्ही (जीवाः) जीवित व जागरूक राहून (ज्योतिः) आशारूप ज्योती, कर्तव्य - अकर्तव्य रूप विवेक- ज्योती आणि आत्म- ज्योती अथवा परब्रह्मरूप ज्योती (अशीमहि) प्राप्त करू शकू.।।७।।

भावार्थ - एक पिता आपल्या संततीला ज्ञान देतो, कर्म करणे शिकवतो, चालणे व पळणे शिकवितो, त्यामुळे ती मुले-मुली आत्मनिर्भर होऊन जीवनात यशस्वी होतात. याचप्रमाणे परमेश्वर, आचार्य आणि राजा यांनी आम्हाला प्रचुर ज्ञान, महान कर्मयोग आणि अतुल सामर्थ्य व श्रेष्ठ शिक्षण प्रदान करावे, ज्यामुळे आम्ही जीवनातून नैराश्य विमिर घालवू शकू, जीवित, जागृत राहून उत्तरोत्तर ज्योतीचे दर्शन घेत सर्वोत्कृष्ट अशी ईश्वनीय दिव्य ज्योती प्राप्त करू शकू.।।७।।

इस भाष्य को एडिट करें