शब्दार्थ -
आम्ही (उपासक) (होतारम्) दिव्य गुणांचे आव्हान करणाऱ्या (विश्ववेदसम्) विश्वज्ञाता, समस्त विश्वास विद्यामान आणि सर्व आध्यात्मिक व भौतिक धनाचा स्रोत जो परमात्मा, त्याला (अस्य) या अनुष्ठानित वा प्रारंभित ( यज्ञस्य) अध्यात्म यज्ञाच्या (सुक्रतुम्) सुकर्ता, सुसंचालक आणि ऋत्विजरूप असलेल्या (अग्निम) परमात्म्याला (दूतं वृणीमहे) दिव्य गुणांच्या अवतरणासाठी (आमच्या हृदय व आचरणात सद्गुणांचा स्वीकार करण्यासाठी) दूत रूपाने स्वीकार करीत आहोत. ।।३।।

भावार्थ - ज्याप्रमाणे दूत म्हणून नेमलेला माणूस आमचा संदेश आमच्या प्रियजनापर्यंत पोहोचवतो आणि त्याचा निरोप आम्हास येऊन सांगतो व अशाप्रकारे दोघांचे संमिलन घडवून आणतो, त्याप्रमाणे परमेश्वर आमच्या आणि सत्य, अहिंसा, अस्तेय, ब्रह्मचर्य, अपरिग्रह, न्याय, विद्या, श्रद्धा, सुमति आदी गुणांचे संमिलन घडविण्यास दूतरूपेण कार्य करतो. वरील दिव्य गुणांना बोलावून त्यांच्याशी आमची भेट घडवितो. त्यामुळे सर्व उपसकांनी त्याचेच दूतरूपाने वरण करावे. ।।३।।

इस भाष्य को एडिट करें