शब्दार्थ -
(उपासकगण प्रार्थना करीत आहेत) हे परमेश्वर, (त्वावान्) तुझ्याशिवाय (अन्या) अन्य कोणी (दिव्य:) आकाशवर्मी अथवा सर्वव्यापी नाही. तसेच तुझ्याशिवाय (पार्थिव:) कोणताही भूमिवरती पदार्थ नाही, अर्थात तू सर्वात व्याप्त आहेस. परमेश्वरा, तुझ्याशिवाय कोणी (न जात:) पदार्थ नाही. तुझ्यासारखा कोणी पदार्थ जन्मला नाही किंवा पुढेही (न जतिष्यते) जन्मणार नाही म्हणजे तू अजन्मा व अमर आहेस, पण तुझ्याशिवाय इतर कोणताही पदार्थ अजरामर नाही. हे (मधवन्) ऐश्वर्यवान (इन्द्र) परमेश्वरा, (वाजिन:) बलवान आणि पुरुषार्थी असे आम्ही (अश्वायन्त:) श्रेष्ठ प्राणांची (अश्व - प्राण) कामना करणारे व (गव्यन्त:) (गौ - इन्द्रिय) इंद्रियरूप गायीच्या श्रेष्ठ ज्ञान व श्रेष्ठ कर्मरूप दुधाचा इच्छा मनात घेऊन तुझ्याकडे आलो आहोत वा तुला पुकारत आहोत. ।।२।।

भावार्थ - अलौकिक आणि अद्वितीय परमात्म्याची उपासना करून सर्व जण बलवान व पुरुषार्थी होऊ शकतात आणि ऐहिक व पारलौकिक अभीष्ट प्राप्त करू शकतात. ।।२।।

इस भाष्य को एडिट करें