शब्दार्थ -
(वृत्रहन्तमम्) पापांचा संपूर्ण विनाश करणाऱ्या (ज्येष्ठम्) सर्वाधिक प्रशंसनीय आणि महान तसेच (आनवम्) मनुष्यांचा जो हितकारी त्या (अग्निम्) तेजस्वी परमेश्वराला आम्ही (उपासक) (अगन्म) प्राप्त झालो आहोत. (त्याच्या ध्यान उपासनेत मग्न आहोत.) (य:) (स्म) जो (श्रुतर्वन्) किरणे हेच ज्याचे अश्व आहेत अशा ज्योतिर्मय सूर्यात आणि (आर्क्षे) तारापुंजामध्ये (वृहदनीक:) विशाल तेजवान होऊन (इध्यते) भासमान होत आहे. (सूर्यात आणि ग्रह नक्षत्रादीमध्ये त्याचीच ज्योती आहे.) ।।९।।

भावार्थ - प्रचंड तेजोमय सूर्यामध्ये, तारामंडळात, एवढेच नव्हे, समग्र ब्रह्मांडात ज्याचे कर्तृत्व दृष्टिगत होत आहे, सर्व पदार्थात असलेली शक्ती आणि तेज हे त्यानेच दिलेले असून, ती शक्ती व ते तेज त्याचीच दीप्ती आहे, तो पाजसहारक, मानव हितकारी आणि सर्वाधिक पुराण-पुरुष आहे. सर्व लोकांनी त्याचीच वंदना, प्राप्ती आणि उपासना केली पाहिजे. ।।९।।

इस भाष्य को एडिट करें