व्याखान -

हे भगवन्ता! परम ऐश्वर्यदात्या! संसारात किंवा परमार्थात ऐश्वर्य तुझ्याच स्वाधीन आहे दुसऱ्या कुणाच्या नाही. तू कुणालाही ऐश्वर्य देऊ शकतोस. म्हणून तुझ्या कृपेने आमचे दारिद्र्य निर्मूलन होऊन आम्ही परम ऐश्वर्यवान होऊ दे. कारण ऐश्वर्याचा प्रेरक तूच आहेस. हे (सत्यराधः) भगवंता! सत्यरूपी ऐश्वर्याची सिद्धी करणारा तूच आहेस म्हणून तू आम्हाला सदैव ऐश्वर्य दे. मोक्षरूपी सत्य ऐश्वर्याचा दाता तुझ्याखेरीज दुसरा कोणी नाही ऐश्वर्ययुक्त परमेश्वरा सत्यबुद्धीचे पूर्ण ऐश्वर्य तू आम्हाला दे. ज्यामुळे आम्ही तुझे गुणगान गावे व तुझ्या आज्ञेचे पालन करावे.आम्हाला सत्य बुद्धी. सत्यकर्म सत्य गुणांची [ उद्गमय प्रापय] प्राप्ती होऊ दे. त्यायोगे आम्ही सूक्ष्मातील सूक्ष्म पदार्थांना योग्य प्रकारे जाणावे. (भग प्र नो जनय) हे ऐश्वर्य निर्माण करणाऱ्या [ईश्वरा] आमच्यासाठी चांगल्या प्रकारे ऐश्वर्याची निर्मिती कर. सर्वोत्तम गाय घोडे, आणि माणसे यांच्यासह अत्युत्तम ऐश्वर्य तू आम्हाला दे. हे सर्वशक्तिमान! तुझ्या कृपेने आम्ही उत्तम पुरुष, स्त्री व पुत्र आणि सेवक इत्यादींनी युक्त असावे. तुला एवढीच प्रार्थना आहे की आमच्यामध्ये कुणीही माणूस दुष्ट व मूर्ख असता कामा नये. व अशी माणसे निर्माणही होता कामा नये. आमची सदैव सत्कीर्ती व्हावी, निंदा कधीही होऊ नये. ॥११॥

इस भाष्य को एडिट करें