व्याखान -

हे क्षणांवर व काळावर नियंत्रण असणाऱ्या अधिपती ! तुझ्या नियमांमुळे आमचे रात्रंदिवस सुखकारक व आनंददायक जावेत, हे भगवंता ! असे दिवस व रात्री तू निर्माण कर ज़्यामुळे आम्ही सुखी राहावे (इंद्राग्नी) हे सर्वांच्या स्वामी तुझ्या कृपेने सुर्य व अग्नी यांनी विविध प्रकारे आमचे रक्षण करुन आम्हाला सुखी ठेवावे. (इन्द्रावरुणा रातहव्या) हे प्राणाला आधार देणाऱ्या ईश्वरा! अग्निहोत्राने शुद्ध झालेले वायू व चंद्र तुझ्याकडून चेतना घेऊन आम्हाला सुखदायक ठरोत, (इन्द्रापूषणा, वाजसातौ) हे प्राणपती । तुझ्या कृपेने आम्ही पूर्ण आयुष्य भोगावे, शक्ती व प्राण यांनी युक्त होऊन पुरुषार्थ करावा व युद्धातही स्थिर असावे शन समोर कधीही निर्बल होता कामा नये, (इन्द्रा सोमा सुविताय शंयोः) [प्राणापानौ वा इन्द्राग्नी इत्यादि, गोपथ उ॰ २.१] हे महाराजा ! तुझ्या व्यवस्थेमुळे राजा व प्रजा यांनी परस्पर विद्या इत्यादी सत्य गुणांनी युक्त होऊन ऐश्वर्य संपादित करावे, तुझ्या कृपेने त्यांच्यात परस्पर प्रेम उत्पन्न व्हावे. सर्व गोष्टी त्यांना लाभदायक ठराव्यात, आपले पुत्र सुखी पाहून तू ही प्रसन्न व्हावेस व आम्ही ही तुझ्या सत्य आज्ञा पाळण्यासाठी प्रसन्नतेने तत्पर असावे. ॥२३

इस भाष्य को एडिट करें