English
ऋग्वेद - मण्डल 8/ सूक्त 28/ मन्त्र 2
वरु॑णो मि॒त्रो अ॑र्य॒मा स्मद्रा॑तिषाचो अ॒ग्नय॑: । पत्नी॑वन्तो॒ वष॑ट्कृताः ॥
स्वर सहित पद पाठवरु॑णः । मि॒त्रः । अ॒र्य॒मा । स्मद्रा॑तिऽसाचः । अ॒ग्नयः॑ । पत्नी॑ऽवन्तः । वष॑ट्ऽकृटाः ॥
स्वर रहित मन्त्र
वरुणो मित्रो अर्यमा स्मद्रातिषाचो अग्नय: । पत्नीवन्तो वषट्कृताः ॥
स्वर रहित पद पाठवरुणः । मित्रः । अर्यमा । स्मद्रातिऽसाचः । अग्नयः । पत्नीऽवन्तः । वषट्ऽकृटाः ॥ ८.२८.२
ऋग्वेद - मण्डल » 8; सूक्त » 28; मन्त्र » 2
अष्टक » 6; अध्याय » 2; वर्ग » 35; मन्त्र » 2
अष्टक » 6; अध्याय » 2; वर्ग » 35; मन्त्र » 2
विषयः - इन्द्रियस्वभावं दर्शयति ।
पदार्थः -
वरुणः=पाशभृद्=न्यायेन दण्डविधाता सम्राट् । मित्रः=ब्राह्मणः सर्वेषां स्नेहकारी । अर्य्यमा=वैश्यः । अपि च । स्मद्रातिषाचः=स्मद्भिः शोभनाभी रातिभिर्विविधदानैः, साचः=पोषकाः । ये अग्नयः=अङ्गनशीलाः=व्यापारपरायणा इतरे जनाः सन्ति । ते सर्वे । पत्नीवन्तः=स्वया स्वया पत्न्या सह । मया । वषट्कृताः=वषट्शब्देन आदृता बभूवुः । ते सम्प्रति मयि प्रसन्ना भवन्तु इति प्रार्थना ॥२ ॥