English
ऋग्वेद - मण्डल 8/ सूक्त 3/ मन्त्र 18
ऋषिः - मेध्यातिथिः काण्वः
देवता - इन्द्र:
छन्दः - निचृत्पङ्क्ति
स्वरः - पञ्चमः
इ॒मे हि ते॑ का॒रवो॑ वाव॒शुर्धि॒या विप्रा॑सो मे॒धसा॑तये । स त्वं नो॑ मघवन्निन्द्र गिर्वणो वे॒नो न शृ॑णुधी॒ हव॑म् ॥
स्वर सहित पद पाठइ॒मे । हि । ते॒ । का॒रवः॑ । वा॒व॒शुः । धि॒या । विप्रा॑सः । मे॒धऽसा॑तये । सः । त्वम् । नः॒ । म॒घ॒ऽव॒न् । इ॒न्द्र॒ । गि॒र्व॒णः॒ । वे॒नः । न । शृ॒णु॒धि॒ । हव॑म् ॥
स्वर रहित मन्त्र
इमे हि ते कारवो वावशुर्धिया विप्रासो मेधसातये । स त्वं नो मघवन्निन्द्र गिर्वणो वेनो न शृणुधी हवम् ॥
स्वर रहित पद पाठइमे । हि । ते । कारवः । वावशुः । धिया । विप्रासः । मेधऽसातये । सः । त्वम् । नः । मघऽवन् । इन्द्र । गिर्वणः । वेनः । न । शृणुधि । हवम् ॥ ८.३.१८
ऋग्वेद - मण्डल » 8; सूक्त » 3; मन्त्र » 18
अष्टक » 5; अध्याय » 7; वर्ग » 28; मन्त्र » 3
अष्टक » 5; अध्याय » 7; वर्ग » 28; मन्त्र » 3
विषयः - मेधायै प्रार्थ्यते ।
पदार्थः -
हे इन्द्र ! इमे=संसारस्थाः । हि=खलु । कारवः=यज्ञादिशुभकर्मणां कर्तारः । विप्रासः=मेधाविनो जनाश्च । धिया=स्तुत्या कर्मणाऽन्तःकरणेन वा । ते=त्वामुद्दिश्य । वावशुः=पुनः पुनरुशन्तीच्छन्ति स्तुवन्ति । वश कान्तौ । कस्मै प्रयोजनाय । मेधसातये=मेधानां यज्ञानां सातये संभजनाय । हे मघवन् ! हे गिर्वणः=गीर्भिर्वचनैः । वननीय=स्तुत्य । देव ! स त्वं । वेनो न=वेन इव । वेनतिः कान्तिकर्मा । यथा कान्तः तद्वदिव । नोऽस्माकम् । हवम्=आह्वानम् । शृणुधि=शृणु ॥१८ ॥