English
ऋग्वेद - मण्डल 8/ सूक्त 42/ मन्त्र 4
ऋषिः - नाभाकः काण्वः अर्चानाना वा
देवता - अश्विनौ
छन्दः - अनुष्टुप्
स्वरः - गान्धारः
आ वां॒ ग्रावा॑णो अश्विना धी॒भिर्विप्रा॑ अचुच्यवुः । नास॑त्या॒ सोम॑पीतये॒ नभ॑न्तामन्य॒के स॑मे ॥
स्वर सहित पद पाठआ । वा॒म् । ग्रावा॑णः । अ॒श्वि॒ना॒ । धी॒भिः । विप्राः॑ । अ॒चु॒च्य॒वुः॒ । नास॑त्या । सोम॑ऽपीतये । नभ॑न्ताम् । अ॒न्य॒के । स॒मे॒ ॥
स्वर रहित मन्त्र
आ वां ग्रावाणो अश्विना धीभिर्विप्रा अचुच्यवुः । नासत्या सोमपीतये नभन्तामन्यके समे ॥
स्वर रहित पद पाठआ । वाम् । ग्रावाणः । अश्विना । धीभिः । विप्राः । अचुच्यवुः । नासत्या । सोमऽपीतये । नभन्ताम् । अन्यके । समे ॥ ८.४२.४
ऋग्वेद - मण्डल » 8; सूक्त » 42; मन्त्र » 4
अष्टक » 6; अध्याय » 3; वर्ग » 28; मन्त्र » 4
अष्टक » 6; अध्याय » 3; वर्ग » 28; मन्त्र » 4
विषयः - N/A
पदार्थः -
हे नासत्या=नासत्यौ=असत्यरहितौ शुद्धौ । अश्विना=अश्वयुक्तौ राजामात्यौ । ग्रावाणः=निष्पापाः । यद्वा पाषाणवत् स्वकर्मणि निश्चला दृढा पुनः धीभिः संयुक्ताः । इमे विप्राः । सोमपीतये=सोमानां गोधूमादिपदार्थानां भोगाय । वां=युवाम् । आ+अचुच्यवुः=अभिगच्छन्ति । समे=सर्वे । अन्यके=अन्ये शत्रवः । नभन्ताम्=नश्यन्तु ॥४ ॥