English
ऋग्वेद - मण्डल 8/ सूक्त 66/ मन्त्र 1
तरो॑भिर्वो वि॒दद्व॑सु॒मिन्द्रं॑ स॒बाध॑ ऊ॒तये॑ । बृ॒हद्गाय॑न्तः सु॒तसो॑मे अध्व॒रे हु॒वे भरं॒ न का॒रिण॑म् ॥
स्वर सहित पद पाठतरः॑ऽभिः । वः॒ । वि॒दत्ऽव॑सुम् । इन्द्र॑म् । स॒ऽबाधः॑ । ऊ॒तये॑ । बृ॒हत् । गाय॑न्तः । सु॒तऽसो॑मे । अ॒ध्व॒रे । हु॒वे । भर॑म् । न । का॒रिण॑म् ॥
स्वर रहित मन्त्र
तरोभिर्वो विदद्वसुमिन्द्रं सबाध ऊतये । बृहद्गायन्तः सुतसोमे अध्वरे हुवे भरं न कारिणम् ॥
स्वर रहित पद पाठतरःऽभिः । वः । विदत्ऽवसुम् । इन्द्रम् । सऽबाधः । ऊतये । बृहत् । गायन्तः । सुतऽसोमे । अध्वरे । हुवे । भरम् । न । कारिणम् ॥ ८.६६.१
ऋग्वेद - मण्डल » 8; सूक्त » 66; मन्त्र » 1
अष्टक » 6; अध्याय » 4; वर्ग » 48; मन्त्र » 1
अष्टक » 6; अध्याय » 4; वर्ग » 48; मन्त्र » 1
विषयः - ईश्वरप्रार्थनायै जनानुपदिशति ।
पदार्थः -
हे मनुष्याः ! सबाधः=सबाधे बाधायुक्ते अस्मिन् जगति । ऊतये=रक्षायै । इन्द्रं=परमात्मानम् । तरोभिः=वेगैः । शीघ्रमेव । सेवध्वम् । कीदृशम् । वः=युष्मभ्यम् । विदद्वसुम्=धनप्रापकम् । किं कुर्वन्तः । बृहद्गानं गायन्तः । अहमुपदेष्टाऽपि । भरं+न=भर्तारमिव । कारिणं= कर्तारमीशम् । सुतसोमे=सम्पादितसर्वप्रियवस्तूनि । अध्वरे=अध्वयुक्तेऽस्मिन् संसारे । तमेव । हुवे= आह्वयामि=स्मरामि ॥१ ॥