शब्दार्थ -
हे (शूर) विक्रमी (इन्द्र) ऐश्वर्यशाली परमात्मा, (त्वावतः) तुझ्यासारखा अन्य कोणी नसल्यामुळे तू तुझ्यासारखा एकमेव आहेस. (श्रवसे) यशाच्या प्राप्तीकरिता वा (ते) तुझे यशोगान करण्याकरिता आम्ही उपासक (अरम्) पर्याप्त रूपेण तुला (गमेम) प्राप्त करावे. हे (शख्र) सर्व कार्ये करण्यात समर्थ असलेल्या हे शक्तिशाली परमेश्वरा, (परेमणि) ज्याद्वारे तुझा साक्षात्कार होतो, त्या परा विद्येमध्ये (गमेम) आम्ही पारंगत व्हावे (अशी इच्छा करीत आहोत) ।। ६।।

भावार्थ - अनुपम परमेश्वराचे कीर्तिगान करण्यासाठी आणि त्याचे गहन वा अतर्क्य स्वरूप हस्तामलकवत जाणून घेण्यासाठी सर्व लोकांनी प्रवृत्त व्हायला हवे. केवळ अपरा विद्या प्राप्त करून (भौतिक संपदा व लौकिक यश संपादून) संतुष्ट राहू नये तर परा विद्योत (अध्यात्म विद्येत) प्रवीण व्हायला पाहिजे. ।। ६।।

इस भाष्य को एडिट करें