शब्दार्थ -
(अधिग्रे) अबाध गती असणाऱ्या आणि अविरूद्ध तेजोमय (ज्यांची प्रगती कोणी राखू शकत नाही आणि ज्यांच्या तेजासमोर सर्वांचे तेज निस्तेज ठरते, असे) हे अग्रनेता परमेश्वर/हे राजन्/हे आचार्य आपण (अस्मभ्यम्) आम्हास (ओजिष्ठम्) अत्यंत ओजमुक्त, अतिप्रबळ असे (द्युम्नम्) यश, तेज व अन्न (आ भर) प्रदान करा. (न:) आम्हाकरिता (पनीयसे) अत्यंत प्रशंसनीय अशा (राये) ऐहिक आणि पारमार्थिक धन प्राप्तीसाठी आणि (वाजाय) शारीरिक व आध्यात्मिक शक्ती प्राप्तीसाठी (पन्थाम्) मार्ग (प्ररत्सि) प्रशस्त करा (आम्ही विनंती करतो.) ।।१।।

भावार्थ - परमेश्वराने, राजाने आणि विद्वानाने आम्हा (उपासक/प्रजाजन/शिष्य) यांना अशा सन्मार्गावर जाण्यासाठी उपदेश करावा की जे मार्ग अनुसरण्याने आम्हाला जगद्व्यापिनी कीर्ती मिळे, अभतिक्रमणीय श्लाघ्य दीप्ती प्राप्त होईल. समस्त भोज्य पदार्थ, तसेच स्वर्ण, रौप्य, हीरक, भौक्तिक, मणी, गौ, पुत्र, पौत्र रथ, भवन, शस्त्रास्त्र, विद्या, धर्म, आरोग्य, चक्रवर्ती राज्य, मोक्ष आदी रूपातील विविध धन प्राप्त होईल. अशाप्रकारे आम्ही शारीरिक व आत्मिक शक्ती आपल्या पुरुषार्थाने तसेच त्यांच्या (परमेश्वर, राजा व आचार्य यांच्या) कृपेने प्राप्त करू शकू. ।।१।।

इस भाष्य को एडिट करें