टिप्पणीः - ३–इदम्। अ० २।१।१। पुरोवर्त्ति। वासः। म० २। वस्त्रम्। परि+अधिथाः। स्थाघ्वोरिच्च। पा० १।२।१७। इति धाञो लुङि इकारोऽन्तादेशः, सिच्च किद्वत्। ह्रस्वादङ्गात्। पा० ८।२।२७। इति सिज्लोपः। परिहितवानसि। प्राप्तवानसि। स्वस्तये। अ० १।३०।२। सु+अस सत्तायाम्–ति प्रत्ययः। क्षेमाय। अभूः। भू–लुङ्। त्वं वर्त्तमानोऽभूः। गृष्टीनाम्। ग्रह उपादाने–क्तिच्। पृषोदरादित्वात् साधुः। ग्राह्यानां गवाम्। अभिशस्तिपाः। अभि–शंसु स्तुतौ, हिंसायां च–क्तिन्। पा रक्षणे–विच्। अभिशस्तिः। अभितो विशसनं हिंसा, तन्निमित्ताद् भयात् पालकः–इति सायणः। हिंसाभयाद् रक्षकः। शतम्। बहुनाम–निघ० ३।१। बह्वीः। जीव। जीव प्राणे। प्राणान् धारय। शरदः। अ० १।१०।२। ऋतुविशेषान्। संवत्सरान्। पुरुचीः। ऋत्विग्दधृक्०। पा० ३।२।५९। इति पुरु+अञ्चू गतिपूजनयोः–क्विन्। अनिदितां हल उपधायाः क्ङिति। पा० ६।४।२४। इति नलोपः। उगितश्च। पा० ४।१।६। अत्र वार्त्तिकम्। अञ्चतेश्चोपसंख्यानम्। इति ङीप्। बहुविधान् पदार्थान् व्याप्नुवतीः। रायः। रै–ङस् विभक्तिः। धनस्य। पोषम्। पुष्लृ पोषणे–घञ्। पुष्टिम्। समृद्धिम्। उप–सम्–व्ययस्व। व्येञ् आच्छादने। परिधत्स्व ॥

इस भाष्य को एडिट करें